O Arosa refórzase para afrontar o tramo final da tempada.
O club arlequinado presentou este martes na Lomba o futbolista Iñaki Leonardo, centrocampista ferrolán de 22 anos procedente do RC Deportivo Fabril.
Xogador importante a pasada campaña no filial deportivista, este curso perdera peso no equipo en Segunda Federación. Chega desta forma a Vilagarcía co obxectivo de "axudar a que o Arosa volva á categoría que merece estar, que é como mínimo Segunda RFEF", explicou.
Leonardo defínese como "un xogador versátil que pode xogar en varias posicións" e ao que lle gusta "romper liñas en condución e asociándome, pero sobre todo considérome un xogador que se entrega moito no traballo defensivo e que gaña duelos".
Luisito pola súa banda incidiu en que "tal e como xogamos nos encaixa en varias posicións", dando importancia ao feito de que "non é un futbolista que teña gol pero se que xenera, e iso interésanos".
A presentación da nova fichaxe arosista contou tamén coa presenza do presidente, Manolo Abalo, para quen Iñaki Leonardo pode ser "un xogador importante, xoven e con proxección aínda".