Catro xornadas, catro vitorias, unha delas por penaltis.
O Club Waterpolo Pontevedra vai lanzado na Primeira Nacional Feminina, categoría que lidera con autoridade e abrindo xa oco sobre os seus perseguidores.
As pontevedresas mantiveron este sábado a súa condición de invictas ao superar unha dura proba, a visita ao CW Dos Hermanas sevillano (14-16).
O triunfo cimentouse nun gran primeiro cuarto, que dominaron por 1-4 para tomar a dianteira e xa non soltala a pesar da insistencia do equipo andaluz.
Ao descanso mantíñanse os tres tantos de vantaxe (5-8), e aínda que as locais presionaron nun terceiro cuarto de gran produción ofensiva (13-14), o Pontevedra mantivo o tipo para sentenciar ao final co definitivo 14-16.
Con este resultado o Waterpolo Pontevedra mantense no primeiro posto con 11 puntos.
A próxima xornada, prevista para o vindeiro sábado 15 de novembro en Rías do Sur, recibirán o equipo que pecha a táboa, o CD Waterpolo Málaga.
Consulta aquí as estatísticas do partico entre CW Dos Hermanas e CW Pontevedra.