A volta de Javier Fernández 'Jabato' ao Cisne como adestrador non impedirá que siga tamén aos mandos da nova xeración de ouro do balonmán español. Iso si, cambiando de responsabilidade e adquirindo máis galóns.
A área técnica da Real Federación Española de Balonmán comunicou nas últimas horas a estrutura das súas seleccións nacionais masculinas para a tempada 2023-2024, que arrancará o próximo 30 de outubro.
Nesta nova estrutura, o organismo federativo decidiu encomendar ao adestrador cisneísta o cargo de seleccionador nacional junior, o que lle permitirá seguir ao cargo dos xogadores que, aínda como xuvenís, gañaron o recente Campionato do Mundo.
Para esta nova encomenda, Jabato seguirá contando con Álex Mozas, adestrador do Balonmán Torrelavega, como o seu adestrador axudante.
Falta por coñecer o destino final, pero se espera que os Hispanos Junior inicien a súa actividade preparatoria entre o 30 de outubro e o 5 de novembro en territorio español.