O Club Cisne estará ben representado na próxima convocatoria da Selección Española Xuvenil de Balonmán.
A pesar de non contar con competicións á vista, a Real Federación Española de Balonmán aposta por manter as xornadas de traballo dos Hispanos Xuvenís, dirixidos polo adestrador cisneísta, Javier Fernández ' Jabato'.
O técnico citou a dous dos seus pupilos en Pontevedra ás xornadas de adestramento que se celebrarán entre o 8 e o 14 de marzo, coincidindo coa celebración da Copa do Rei e por tanto sen afectar a partidos de liga na máxima categoría.
Trátase do pivote Daniel Virulegio e do extremo dereito Carlos Álvarez. Ambos os dous están incluídos nunha lista de 18 mozos, sendo os únicos representantes de clubs galegos.
"Es importante volver a juntarnos, independientemente de todo lo que nos está rodeando con el COVID-19 que no está ayudando. La idea es seguir mirando al futuro y seguir construyendo un equipo aunque sea sin partidos oficiales. Estoy satisfecho de volver a estar juntos y eso es algo importante", sinalou sobre a concentración o seleccionador nacional xuvenil.