Está chamado a ser un dos homes importantes esta tempada no Supermercados Froiz, ao que de momento xa lle deu o seu primeiro triunfo do ano.
José Luis Mariño adxudicouse a Volta a Mexicali, na Baixa California, vitoria que estrea o marcador do Froiz en 2016.
Mariño afina a súa preparación concentrado en México e California, onde de paso participa nunha serie de carreiras en solitario.
Na Volta a Mexicali o ciclista do equipo pontevedrés adxudicouse a clasificación xeral e tamén dúas gañou dúas das etapas. Na primeira xornada, con percorrido chairo de 140 quilómetros, foi protagonista cunha escapada a falta de cinco quilómetros, pero foi cazado nos últimos metros debido a unha picada.
O corredor do Froiz vingouse na segunda etapa, con chegada en alto, na que se impuxo con 30 segundos de vantaxe sobre Mario Zamora, do equipo Stage 2, e completou na terceira e última xornada, nunha circuitada, na que cruzou primeiro a liña de meta con cinco segungos de renda sobre o pelotón.