O Club Cisne Balonmán non tardou en pechar á súa primeira fichaxe para a próxima tempada 26-27, na que volverá competir na División de Honra Prata.
Despois de anunciar as primeiras saídas no persoal, o club pontevedrés acelerou para cubrir un deses ocos.
Fíxoo concretando a chegada do lateral Juan Reynaldo Saco.
Internacional absoluto por arxentina, de 24 anos de idade, chega a Pontevedra procedente do BM Proin Sevilla.
Co equipo andaluz vén de proclamarse campión en Prata logrando o ascenso á Liga Asobal.
"Achegará definición, poderío e forza ao ataque cineísta esta próxima tempada", asegura o Cisne.
Juan Saco levaba catro tempadas en Sevilla, lugar no que colaborou no crecemento do club desde a Primeira Nacional.
Antes defendera o Club Alemán de Quilmes, no seu país natal.
O lateral dereito é a terceira peza confirmada para o novo proxecto do Cisne, xunto aos renovados Manu Lorenzo e Alberto Delgado.