Brillante exhibición de Lorena Patiño no Mundial de Ciclocrós que se disputou ao longo deste fin de semana en Lièvin, Francia.
A marinense completou unha gran carreira fíxolle finalizar no posto once, a só cinco segundos do top 10.
Patiño, que quedara de 24 o ano pasado, realizou unha boa saída para entrar desde o primeiro xiro dentro do vinte mellores.
Aos poucos foi mellorando e adiantando aos seus rivais até establecerse nun valioso posto once.
Por detrás da ciclista de Marín concluíron as vascas Maier Olano e Irati Aranguren. A primeira foi de menos a máis para finalizar de 24 e, a segunda, de 26.
Pola súa banda, os ciclistas sub23 do GD Supermercados Froiz, Miguel Rodríguez e Raúl Mira finalizaron nos postos 28 e 34, respectivamente.
O galego e o valenciano sufriron desde o inicio o alto ritmo imposto na cabeza de carreira, que lles foi moi difícil de seguir. Ademais, Mira topouse cun problema mecánico que lle lastrou por completo a proba.