Co recordo aínda do seu bo papel no Open de Australia G2 do pasado mes de xuño, onde logrou o bronce, e tras participar nos Xogos Europeos, Lúa Piñeiro volve á competición e o fai cunha importante cita nas súas aspiracións olímpicas.
A deportista caldense afronta este venres 14 de agosto o Grand Prix de Moscova (Rusia), un torneo de máxima categoría que reparte 40 puntos para o ranking olímpico.
Lúa, que ocupa o vixésimo sétimo posto no ranking da súa categoría (-67 quilos) con 107,5 puntos, busca achegarse ao top-16 que marca a tamén española Marta Calvo con 146,96 puntos.
Ademais de Lúa Piñeiro, o equipo español en Rusia estará composto por: Rosana Simón (+67 kg), Brigit Yagüe (-49 kg), Eva Calvo (-57 kg), Marta Calvo (-67 kg), Daniel Ros (+80 kg), Jesús Tortosa (-58 kg), Joel González (-68 kg), José Rosillo (-68 kg), Raul Martínez (--80k) e Elaia Torrontegui (-49 kg).