José Luis Míguez 'Luisito' é o adestrador elixido polo Pontevedra Club de Fútbol para poñerse á fronte do equipo granate trala destitución de Manu Fernandez.
Así o confirmou o club nun breve comunicado minutos despois da conclusión do partido en Ponteareas, onde o Pontevedra se impuxo por 1-3 ao Cultural Areas.
Luisito, adestrador que se encontraba sen equipo tras a desaparición do Club Deportivo Ourense, asinará en principio ata final de tempada e será presentado este luns no Estadio Municipal de Pasarón.
Antes da súa etapa no Ourense, Luisito tamén dirixiu a equipos como o Ciudad de Santiago ou o Racing de Ferrol.