O Campionato do Mundo Sub-23 de Loita que se está disputando na capital de Hungría, Budapest, concluíu este xoves para Lydia Pérez Touriño.
A deportista pontevedresa caeu nos cuartos de final do torneo na categoría de 62 quilos, non podendo progresar cara ás roldas finais e a loita polas medallas.
Lydia debutou con bo pé na competición mundialista ao desfacerse con autoridade da canadense Avery Ruth Cameron (10-0).
Xa en cuartos de final, a representante do Club de Loita Pontevedra ofreceu tamén un bo nivel pero non lle bastou para superar á moldava Irina Ringaci (7-8).
Xunto a Lydia Pérez viaxou a Budapest o seu adestrador Marcos Miragaya, ademais doutros dous deportistas españois que completando o equipo nacional, Alejandro Cañada e Carlos Álvarez.