O Torneo Internacional Xóvenes Promesas de Loitas Olímpicas, celebrado durante a fin de semana na localidade murciana de San Javier, tivo acento pontevedrés grazas á boa actuación de Lydya Pérez e Carmen Salgado.
As deportistas do Club de Loita Pontevedra conseguiron subir ao podio nas súas respectivas categorías.
Lydya Pérez impúxose en 59 quilos, mentres Carmen Salgado fixo dobrete conseguindo o bronce en 56 quilos cadete e tamén en 55 quilos junior.
Tras esta competición as representantes pontevedresas do Club de Loita permanecerán ata o 6 de maio concentradas co equipo nacional no Centro de Tecnificación Deportiva Infanta Cristina de Murcia. A concentración ten como obxectivo definir os equipos que participarán nos próximos campionatos de Europa e do Mundo nas categorías cadete e junior.