Lydia Pérez, recoñecida como deportista de alto nivel pola Xunta de Galicia

Pontevedra
05 de xaneiro 2024

Á relación de novos deportistas galegos de alto nivel incorpórase tamén as regatistas Natalia Domínguez e Inés Ameneiro  

Lydia Pérez Touriño, no Centro Galego de Tecnificación Deportiva
Lydia Pérez Touriño, no Centro Galego de Tecnificación Deportiva / Mónica Patxot

O Diario Oficial de Galicia (DOG) publicou esta semana unha nova relación de deportistas de alto nivel, alto rendemento e rendemento deportivo de base de Galicia.

Á lista, na que xa figuran un total de 1.090 deportistas, incorpórase a loitadora pontevedresa Lydia Pérez Touriño, campioa nacional absoluta e na carreira por lograr unha praza para os Xogos Olímpicos de París 2024.

Ademais entre as novidades da última convocatoria autonómica está tamén as regatista Natalia Domínguez e Inés Ameneiro.

Segundo sinala o goberno galego dos 1.090 deportistas preto do 80% correspóndense a deportistas galegos de alto nivel (328 mulleres e 531 homes). Ademais inclúense 109 deportistas de rendemento deportivo de base (55 mulleres e 54 homes); 74 deportistas de alto rendemento (26 mulleres e 48 homes); 23 técnicos de alto nivel (catro mulleres e 19 homes); 15 árbitras e xuízas (once mulleres e catro homes); e 10 deportistas galegos de alto nivel vitalicios.

Entre eses deportistas catalogados como 'vitalicios' aparecen algunhas das grandes referencias do deporte pontevedrés como a piragüista Teresa Portela e a regatista Támara Echegoyen.