O Pavillón da Raña prepárase para acoller o vindeiro sábado, 14 de novembro, a súa estrea no Professional Taekwondo Open.
Tras as citas de Zamora e Torrevieja, a de Marín será a final da competición co I Open Internacional de Taekwondo Vila de Marín.
A competición disputarase de 19:00 a 21:00 horas nas oito pistas octogonais preparadas para o evento, no que se espera un alto nivel de participación.
As categorías nas que se disputará o Open son a precadete, cadete, junior e absoluta.
Entre os equipos participantes atópanse os principais da comarca, como o anfitrión Mat's ou os pontevedreses do Mace Sport e Taekanart, con moitos dos seus deportistas dentro do equipo conformado pola Selección Galega.
As entradas para o público teñen un custo de 5 euros, podendo entrar de balde os menores de 7 anos.