Mariña García lidera o Tenis de Mesa Monte Porreiro nos campionatos galegos Alevín e Sub23

Pontevedra
02 de maio 2024

Aos seus 16 anos a moza deportista do Tenis de Mesa Monte Porreiro logrou un dobre ouro galego Sub23 no campionato autonómico celebrado en Narón

Deportistas do TM Monte Porreiro no Campionato Galego Alevín e Sub-23
Deportistas do TM Monte Porreiro no Campionato Galego Alevín e Sub-23 / Tenis de Mesa Monte Porreiro

O Tenis de Mesa Monte Porreiro celebra os resultados conseguidos polos seus deportistas no Campionato Galego Alevín e Sub-23 celebrado na localidade coruñesa de Narón.

En especial foi destacado o papel de Mariña García, que a pesar dos seus 16 anos foi a gran protagonista da categoría Sub-23 contra deportistas de maior idade.

Mariña conseguiu a medalla de ouro na categoría individual, vencendo na final á súa compañeira Noa Bernárdez, e tamén no sobles mixto xunto a Brais Díaz.

Ademais o Monte Porreiro sumou as medallas de prata Sub-23 de Noa Bernardez e de Alba Prado e Emma Álvarez no sobles feminino, e o bronce de Natalia Oubiña e Laura Forte tamén no dobres feminino.

En categoría alevín conseguiron bronces Carme Leivas e Jorge Álvarez no dobres mixto, Carme Leivas e India Franco no feminino e Jorge Álvarez e Roberto Alfonso no masculino.