A planificación do plantel para a nova tempada vai vento en popa para o Pontevedra CF e renovou, por unha tempada máis, a Mario Gómez.
O central de 29 anos chegou ao club granate a campaña pasada e converteuse nun indiscutible no once de Yago Iglesias disputando un total de 36 partidos.
Mario era un dos trece xogadores que finalizaban contrato en xuño e a súa renovación chega un día despois de confirmarse a fichaxe do lateral esquerdo Héctor Hernández.
Tamén continuarán vestindo a elástica granate Álex González e Yelko Pino.