O Pavillón Universitario do campus de Pontevedra acolleu na tarde del mércores a edición inaugural do Campionato Iros.
Esta competición, promovida pola Área de Benestar, Saúde e Deporte da Universidade de Vigo, reuniu a preto de 50 participantes que competiron nun formato que integra a resistencia cardiovascular coa forza física.
A proba desenvolveuse por parellas e estivo aberta exclusivamente ás persoas usuarias do abono mUVer da institución académica, segundo indica o DUVI.
O deseño da competición esixiu aos deportistas completar un circuíto que alternaba carreiras de 500 metros coa execución de diversos exercicios técnicos, entre os que se incluíron un quilómetro de remoergómetro, series de burpees, zancadas con peso e diferentes repeticións de movementos aeróbicos.
No plano competitivo, a parella formada por Lucas Álvarez e David Bautista acadou a primeira posición do podio.
O segundo posto foi para Fernando de la Puente e Jorge Fernández, mentres que o terceiro lugar ocupárono Aarón Prieto e Mario Varela.
A posta en marcha desta actividade responde a unha demanda directa de persoas usuarias da sala de cardio-fitness do campus.
Segundo explica o técnico da Área de Benestar, Saúde e Deporte, Gustavo Loureiro, a iniciativa céntrase nunha modalidade deportiva en auxe que busca o equilibrio entre a potencia e a capacidade aeróbica.
A convocatoria pechouse con máis de 20 parellas inscritas, unha cifra que a organización vincula ao interese crecente por este tipo de formatos híbridos de adestramento.