O Arosa SC elixiu xa o capitán que guiará desde o banco o seu novo proxecto deportivo en Terceira RFEF, co obxectivo un ano máis de pelexar polo ascenso de categoría.
O elixido é un técnico con ampla experiencia nos bancos do fútbol galego. Trátase de Míchel Alonso.
A pasada tempada o adestrador ferrolán asumiu a metade de ano o reto de adestrar á SD Compostela, sen chegar a finalizar a campaña. Antes pasou polos bancos de Somozas, Racing de Ferrol, Rápido de Bouzas e Coruxo, todos eles en Segunda B, e da SD Formetera en Segunda RFEF.
Míchel Alonso chegará ao club arlequinado acompañado do seu preparador físico de confianza, Álvaro Cano.
A súa presentación oficial terá lugar este mércores 5 de xuño no Estadio Municipal da Lomba.