Presentado Míchel Alonso como o seu novo adestrador e con Dani Abalo xa exercendo como director deportivo, o Arosa púxose ao choio na confección do seu novo proxecto.
Fíxoo empezando por definir as saídas, os futbolistas que non continuarán a próxima tempada na Lomba.
Neste sentido o primeiro anuncio chegou co dianteiro Rubo Blanco, que deixa o equipo despois dunha tempada. Tamén o fará o gardameta Raúl Rodríguez e o centrocampista Diego Enjamio, no seu caso alegando unha incompatibilidade laboral.
Por último a comisión deportiva decidiu ademais unilateralmente non ofrecer a renovación ao lateral Santi Figueroa, os centrocampista Marcos Mella e Brais Pedreira e o dianteiro Borja Míguez.