O proceso electoral aberto para optar á presidencia do Club Baloncesto Arxil está visto para sentenza.
A ata o de agora máxima dirixente da entidade, Milagros Sanmartín, foi tal e como se esperaba a única candidatura formalizada antes do final do prazo establecido pola xunta electoral.
Desta forma Sanmartín seguirá dirixindo os designios do club deportivo pontevedrés durante os próximos anos.
Cumprimentado o trámite, o Arxil convocou unha asemblea extraordinaria na que se votará o nomeamento da presidenta.
Esta xunta de socios celebrarase o vindeiro luns 4 de marzo ás 20:00 horas (20:30 horas en segunda convocatoria).