O Triangular Cidade de Pontevedra marchou para Portugal, despois de que o ABC Braga luso gañase os seus dous partidos do torneo celebrado no Pavillón Municipal.
Segundo foi a Sociedade Deportiva Teucro, que logrou gañar ao Xiria de Carballo no seu primeiro encontro, de só 35 minutos, por 15 a 10.
Os pontevedreses caeron non obstante no choque definitivo ante o Braga (18-24), evidenciando que aínda que a preparación avanza a bo ritmo, aínda faltan adestramentos para chegar á súa mellor versión.
O próximo compromiso dos azuis será a semifinal de Copa Galicia ante o Balonmán Lalín, fixada para a tarde do sábado (19:00 horas) na capital dezana. En caso de gañar, os de Quique Domínguez xogarían na mañá do domingo en Tui a gran final ante o vencedor do Atlético Novás-Cangas.