Un colexiado pontevedrés atópase nos candidatos ao ascenso a Segunda RFEF, a cuarta categoría do fútbol nacional.
Trátase de Miguel Oliveira Dios, único representante do Comité Técnico de Árbitros (CTA) de Pontevedra que estivo presente a pasada fin de semana nos cursos de selección para o ascenso organizados en Madrid polo CTA Nacional.
Oliveira someteuse a cinco exames, con probas físicas, test sobre regras do xogo, videotest de xogadas para determinar decisións técnicas e discilpinarias, un exame de redacción de actas e unha proba psicolóxica.
O representante do CTA de Pontevedra é un dos 55 árbitros principais que aspira ao ascenso á Segunda RFEF, estando en xogo un total de 20 prazas.
Xunto a el participaron nas xornadas outros seis colexiados gallegos: Adrián Estévez Blanco (Ourense), Iván García Rey (Ferrol) de Terceira RFEF; o asistente de Segunda RFEF Adrián López Bermúdez (Lugo); a árbitra Beatriz Torres Corral (Santiago) e as asistentes Carmen Villanueva Ansedes (Santiago) e Sarai Fernández López (Santiago), que aspiran ao ascenso á Primeira Federación do Fútbol Feminino.