A punto estivo de complicarse o Arxil, que se impuxo en Vitoria ao Araski, tras controlar a maior parte do partido ao seu rival, coa excepción do segundo cuarto, no que encaixaron 26 puntos para chegar ao descanso cunha desvantaxe de sete no marcador.
Tras o período inicial, con lixeiro dominio pontevedrés, chegou ese segundo cuarto pletórico das vitorianas que lles fixo concibir esperanzas de anotarse os dous puntos, pero a reacción das rapazas de Mayte Méndez foi contundente, apertando en defensa ata asinar un contundente parcial de 13-22 que lles devolvía a iniciativa.
Logo quedaba controlar o partido. E fíxoo o Arxil, que soubo manexar a curta vantaxe, ata chegar ao final cun merecido triunfo que os fai manter o pulso pola cabeza da clasificación.
ADB ARASKI AES (68): Khairy Thiam (17), Molinuevo (6), Itsaso Conde (6), Laura Pardo (9), Eva Sara (2) -cinco inicial-, Arrate Agirre (12), Rosetta Ewoenam (14) e Ioar Zamora (2).
CB ARXIL (72): Diarrá (16), Ana Martín (6), Lewis (13), María Lago (10), Sandra Entenza (12) -cinco inicial- María González (13), Cristina e Ana María (2).
Árbitros: Javier Torres Sánchez e Jorge Duval Melero (Aragón). Eliminadas por faltas Itsaso Conde e Sandra Entenza.
Marcadores parciais: 14-16, 26-17 (40-33, descanso), 13-22 (53-55) e 15-17 (68-72, final).
Incidencias: Polideportivo Mendidorrotza (Vitoria-Gasteiz).