Catorce equipos compoñerán a próxima tempada o grupo A da Liga Feminina 2 de baloncesto na que, un ano máis, competirá o Club Baloncesto Arxil.
A Federación Española de Baloncesto fixo pública a composición dos dous grupos da categoría de prata do baloncesto feminino e, xunto aos equipos de Galicia situou aos de Cataluña, País Vasco, Asturias e Castela e León.
O grupo A da Liga Feminina 2 é:
Galicia (4): Arxil, Cortegada, Celta e Maristas.
Cataluña (5): Santa Rosa de Lima, Sant Feliu, Cerdanyola, Mataró e Siglo XXI.
País Vasco (2): Iraurgi e Ibaizabal
Navarra (1): Ardoi.
Castela e León (1): Aros León
Asturias (1): Avilés
Para as pontevedresas será un grupo de longos desprazamentos, con dúas viaxes a terras vascas, un a Navarra e cinco a Cataluña, algo que segundo a directiva do club "nos descompensa" o orzamento para viaxes. Tratarán de compensar esta situación, aseguran, con "traballo e ilusión" para confeccionar un proxecto "esperanzador".