A Sociedad Gimnástica xa coñece a sede da Final de 2ª División Feminina, na que buscará o ascenso que se lle escapou por moi pouco a pasada tempada.
A Real Federación Española de Atletismo comunicou aos equipos que a competición se disputará en Cáceres.
Na cidade estremeña a Gimnástica partirá na segunda posición do ránking segundo o establecido no estadillo de marcas, só superado polo ADAS do Barco.
Na final, que se celebrará o domingo 12 de xuño, ascenderán os dous primeiros clasificados, nunha competición na que participan os oito mellores clubs da categoría.
Ademais do ADAS e a Gimnástica tomarán parte da fase final: Bahía Algeciras, Perceiana-Extremadura, Clínicas Rincón Vélez, AD Gijón, Sekulebedarra Kirol e At.Safor.