Cos dedos rozou o ascenso o equipo feminino da Sociedad Gimnástica na final da Segunda División disputada en Soria.
As pontevedresas quedaron a só tres puntos de lograr o obxectivo e gañar unha praza en Primeira División, pero víronse finalmente superadas polo Lucus de Lugo (119 puntos) e o Monzón (104).
Durante gran parte da competición a Gimnástica ocupou os lugares de privilexio grazas ao triunfo parcial de Eva Iglesias nos 5 quilómetros marcha e aos segundos postos de ÁngelesFilgueira en xavelina, Esperanza Caldas nos 200 metros, Rocío Rodríguez nos 1.500, Irimia Mollinedo en lanzamento de martelo e Clara Gil en pértega. Tamén se subiu ao podio Sandra Carballo, terceira nos 100 metros valos.
Tras a Gimnástica, que finalizou con 101 puntos, remataron Vélez Málaga (85), Extremadura (80), Bahía Algeciras (77), Vila de Cangas (73) e El Garbi (72).