Xornada importante para o Dicsa Modular Cisne, co seu futuro en xogo.
Practicamente necesita un pleno nas seis xornadas que restan para ter serias opcións de permanencia na Liga Asobal, e a primeira parada será este sábado (20.00 horas) a visita do Atlético Valladolid ao Pavillón Municipal dos Deportes.
Trátase do décimo clasificado con 27 puntos, polos 9 dos pontevedreses, un equipo "muy conocido por su sistema de juego, que implantó Pastor en su día", explica o segundo adestrador do Cisne, Quiños.
É un bloque "muy vistoso a la hora de jugar" con "un juego de ataque muy variado, con cruces amplios e intentando provocar errores", analiza, polo que os de Jabato saben que deberán fiar fino para manter as súas opcións de puntuar.
Javi Vázquez e Alejandro Conde non entraron na convocatoria para o partido.