O Pontevedra Club de Fútbol xa coñece cal será o seu rival nos oitavos de final da Copa Federación, á que accederon tras eliminar ao Rápido de Bouzas.
Os granates enfrontaranse a dobre partido ao Burgos CF, equipo adestrado por Patxi Salinas e que pasa por ser o menos goleado do Grupo II da Segunda División B, no que marcha na sétima posición.
O encontro de ida disputarase no estadio burgalés do Plantío o xoves 11 de xaneiro, mentres que a volta no Estadio Municipal de Pasarón quedou fixada para o día 25, salvo que se produza un acordo entre ambas as entidades para adiantar os choques ao mércores.
O resto de emparellamentos de oitavos de final da Copa RFEF son: Langreo-Escobedo, Vilafranca-Peña Sport, SD Logroñés-Utebo, Betis B-Villanovense, SS de los Reyes-Plasencia, UCAM Murcia-Saguntino e Villarrobledo-Ontiyent.