O ano comezará en Pontevedra con protagonismo deportivo grazas ao Campionato Galego de Natación Absoluto de Inverno, primeiro gran evento de 2021.
A cita, en piscina de 25 metros, desenvolverase no Complexo Deportivo Rías do Sur de Pontemuíños entre os días 3 e 5 de xaneiro.
Segundo os datos que manexa a Federación Galega de Natación, no campionato autonómico daranse cita ata 253 nadadores de 22 clubs da comunidade.
Será a última gran competición da tempada de piscina curta, e unha boa proba para que os deportistas afinen a súa posta a piques de cara aos obxectivos que afrontarán nos próximos meses.
En total o campionato contará con tres xornadas dobres, en sesións de mañá e tarde con comezo cada día ás 9.30 e as 17.30 horas.