Empezou na escalada aos 10 anos coa escola deportiva do Club Aromon Pontevedra Montañeiros a Roelo, e agora é xa todo un campión de España.
O pontevedrés Xavi Carballo é desde hai uns días, e con só 16 anos, campión de España de escalada de dificultade en categoría Sub-18.
Motivo máis que suficiente para que o seu club presuma dun deportista que segue, facendo honra ao seu deporte, escalando cara á elite, como demostra que tamén conseguise na Coruña proclamarse campión galego absoluto no formato olímpico que se usará en París 2024, sumando as puntuacións das probas de dificultade e bloque.
Carballo conseguiu a mellor puntuación en ambas as dúas disciplinas, demostrando a evolución que experimentou grazas en parte ao seu esforzo dentro do programa de tecnificación da Federación Galega Montañismo (FGM).
Na mesma competición, celebraba no rocódromo de Riazor, na Coruña, o seu irmán Tiago Carballo tamén subiu ao primeiro chanzo do podio autonómico na proba de dificultade infantil, e é que a escalada na súa casa é cousa de familia.