O Pontevedra xa ten ao reforzo que quería para a súa dianteira, unha vez confirmada a marcha de Jorge Rodríguez.
Trátase de Borjas Martín, un futbolista canario de 28 anos que procede do Atlético Astorga.
Tras pasar por varios equipos das illas en Terceira División, sendo o último deles o Mensajero, Borjas participou a pasada campaña co Astorga en Segunda B anotando 13 goles en liga.
A cuarta fichaxe do Pontevedra será presentada este venres no Estadio Municipal de Pasarón antes de poñerse ás ordes de Luisito.