A localidade malagueña de Fuengirola será este domingo 16 de outubro a última parada da Copa de España de Augas Abertas, unha cita á que chega con todas as opcións o Club Natación Galaico.
O club pontevedrés buscará revalidar o título da pasada tempada, pero non o terá sinxelo ao ter que sobrepoñerse á ausencia de Paula Goyanes, concentrada co equipo nacional para participar nunha proba internacional en Madeira, puntuable para a Copa de Europa.
Non estará a nadadora junior pero si Águeda Cons, na categoría Junior 1, Daniel Sánchez na Junior 2, Cristian Fernández na Senior e Carla Goyanes na Infantil.
A etapa final da Copa de España disputarase sobre unha distancia de 3.500 metros. Na mesma, ademais do título de clubs, o Galaico opta a algunha vitoria a nivel individual.