O Robin Prisco L'Escala rompeu este domingo coa xeira de oito partidos sen perder do Tenis de Mesa Monte Porreiro, xa clasificado para disputar a competición europea a falta dun partido para a conclusión da tempada.
Venceu Konstantin Chernov por 3-0 a Bentancor, e Chih-Wei Yeh superou 3-1 a Miguel Ángel Vílchez para facer o 2-0 no marcador global.
Nico Galvano recortou distancias tras gañar con dificultade a Iker González (2-3) e manter con vida ao Monte Porreiro, pero Bentancor nada puido facer para gañar a Chih-Wei Yeh no enfrontamento polo empate (3-1).
Chegou de novo a quenda de Nico Galvano e Konstantin Chernov, pero o xogador pontevedrés tívose que retirar e o partido decidiuse por un 3-0 co que L'Escala asinou o 4-1 final.
O Tenis de Mesa Monte Porreiro finalizará a tempada a próxima fin de semana visitando ao Hortitec Alzira TT de Valencia.
Consulta a acta nesta ligazón