O Pontevedra Club de Fútbol xa coñece cal será o seu primeiro rival na defensa do título da Copa Federación.
O sorteo celebrado este venres na sede da Real Federación Española de Fútbol emparellou aos granates co Langreo asturiano (Grupo II da 2ªB) na rolda dos dezaseisavos de final, primeira na que participan como vixentes campións.
A ida fixouse inicialmente para o xoves 22 de novembro en Pasarón, a expensas de acordo entre os clubs, e a volta para o día 6 de decembro.
O outro club galego en liza, o Bergantiños como campión da fase autonómica, xogará ante outro equipo asturiano, o Lealtad de Villaviciosa.
O resto de emparellamentos son: Durango-Real Unión, Tropezón-Barakaldo, Peña Sport-Varea, Arandina-Mirandés, Peña Deportiva-Llagostera, Ejea-Poblense, Cacereño-Talavera, Navalcarnero-Mensajero, Conquense-Yeclano, Cartagena B-Socuéllamos, Huétor-Betis Deportivo B, Marbella-Ceuta, Cornellá ante o vencedor do Teruel-Roda e Inter de Madrid ante o vencedor do Alcobendas-Tenerife B.