Os mellores xadrecistas galegos, ademais doutros chegados desde diferentes puntos da xeografía nacional e internacional, participan desde este martes no V Memorial Ramón Escudeiro Tilve de xadrez.
A cita, organizada pola Escola Xadrez Pontevedra e que se disputa no Hotel Galicia Palace, vivirá este mércores 28 de decembro o seu segundo e última xornada de competición.
Xadrecistas desde a categoría sub-8 ata a absoluta compiten por levar o torneo, dotado con 3.500 euros de premios en metálico.
O Memorial Ramón Escudeiro Tilve, consolidado xa no calendario galego, reduciu este ano o torneo a dous días de competición, pero a intención é recuperar o tradicional formato de cinco días na súa próxima edición.