Co inicio oficial da tempada de natación chega o primeiro reto importante para o Galaico no seu obxectivo de ser o mellor club galego.
O club pontevedrés afronta o sábado, 8 de novembro, a primeira xornada da Liga Galega de Clubs, na que se enfrontará a CN Coruña, Fluvial de Lugo, Náutico de Narón, CN Ponteareas e o anfitrión, o Xove.
O Galaico desprazará á localidade lucense un total de 20 nadadores das categorías júnior e absoluta masculina e feminina.
Os deportistas afrontarán un programa coas seguintes probas: 50, 100 e 400 metros estilo libre, 100 braza, 100 bolboreta, 200 costas e 200 estilos.