A menos dun mes para que arrinque a tempada nas ligas galegas de piragüismo, os padexeiros galegos miden o seu estado de forma no Complexo Deportivo David Cal Pontillón do Castro.
A pista pontevedresa de Verducido será escenario este domingo 4 de febreiro dun control de 5.000 metros para as categorías cadete, xuvenil, senior e veterano nas modalidades de canoa e kaiak.
En total na xornada amigable organizada pola Federación Galega de Piragüismo daranse cita preto de medio milleiro de deportistas.
O inicio da competición será ás 9:30 horas para finalizar pasadas as 14:00 horas da tarde.
Entre os clubs con maior presencia de padeeiros atópase a EP Ciudad de Pontevedra con 56 deportistas e o Club Naval de Pontevedra con 40.
A tempada oficial para o piragüismo autonómico dará comezo o próximo 24 de febreiro co Campionato Galego de Inverno que terá lugar na localidade ourensá de Castrelo de Miño.