O Club Cisne Balonmán e o Dinamo de Bucarest chegaron a un acordo de cesión polo que o pivote internacional romanés Calin Dedu incorporarase ao plantel do equipo pontevedrés.
Dedu, de 20 anos de idade e 2,08 de estatura e 110 quilos de peso, é fillo do exxogador do Teucro Alexandru Dedu e xa debutou coa selección absoluta de Romanía.
Con Calin Dedu o adestrador cisneísta Javier Márquez reforza a posición de pivote para a que ata o de agora só contaba con Emiliano Franceschetti e Román Arboleya.