Intratable mostrouse o equipo cadete feminino do Poio Pescamar no Campionato de España da categoría celebrado en Móstoles.
As vermellas conseguiron na localidade madrileña o que é o seu cuarto título nacional consecutivo en idade cadete, toda unha xesta que reforza o excelente traballo da canteira pontevedresa.
En Móstoles o Poio protagonizou un pleno de vitorias nos seus catro partidos.
Na primeira fase venceron a Mataró (5-1), Alcantarilla (1-0) e Elche (5-1), clasificándose así para a gran final.
Xa no partido definitivo non tiveron rival e impuxéronse por un contundente 12-1 ao Orvina navarro para revalidar o título de campioas de España.