Anna Escribano seguirá unha tempada máis no Poio Pescamar.
O club conserveiro confirmou a renovación da futbolista, redobrando a súa confianza nela tras unha campaña complicada polas lesións.
De feito Anna, tras unha sobresaliente liga na 22/23, pasou polo quirófano para tratar o menisco do seu xeonllo esquerdo, iniciando un proceso de recuperación que se complicou e foi alongando facendo que apenas chegase a xogar o último ano. Participou só en 3 encontros de liga, entrando noutras seis convocatorias.
Cerrada a tempada Escribano decidiu operarse de novo en xuño para acabar coas molestias.
"Con todo, estaremos de novo esperando a súa recuperación para que demostre o seu potencial na pista", asegura o Poio Pescamar. Será a súa quinta campaña na Seca, a cuarta consecutiva.
Coa súa renovación pasan a ser doce as futbolistas confirmadas para o próximo proxecto do Poio Pescamar xunto ás tamén renovadas Sandra Buzón, Elena, Elena Aragón, Ale de Paz, Irene, Laura Uña e Martita e ás fichadas Chuli, Miri, Candela Soria e Èlia Gullí.