O Estadio Municipal de Pasarón lucirá o vindeiro domingo 26 de novembro ante o Valladolid B un gran lazo violeta como símbolo da loita contra a violencia de xénero.
É unha das actuacións previstas nos campos de fútbol da comunidade contemplada no convenio subscrito polos equipos galegos para traballar de maneira conxunta nunha campaña contra a violencia machista.
Este acordo foi presentado en Santiago de Compostela coa presenza do presidente e vicepresidente da Xunta de Galicia, Alberto Núñez Feijóo e Alfonso Rueda, o presidente da Federación Galega de Fútbol, Rafael Louzán, e presidentes dos clubs galegos entre os que se atopaba a máxima dirixente do Pontevedra, Lupe Murillo.
A dirixente granate foi xunto ao presidente do Celta, Carlos Mouriño, a encargada de falar en representación dos clubs poñendo en valor o traballo que debe realizarse desde as entidades, en especial coas súas categorías inferiores.
"Queremos achegar o noso gran de area na eliminación desta lacra que é a violencia de xénero", sinalou á súa vez Rafael Louzán.
Os actos desenvolveranse en todos os partidos que xoguen como locais os equipos galegos de Primeira, Segunda e Segunda División B.
Tamén estiveron presentes na presentación celebrada en Santiago de Compostela a Secretaria Xeral para o Deporte, Marta Míguez, as colexiadas Zulema Gómez e Eelena Casal e a futbolista Bea Seijas en representación das súas compañeiras, Susana López Abella.