A Real Federación Española de Fútbol sorteou este martes o calendario de competición de Segunda RFEF, deparando unha estrea na casa para o Pontevedra Club de Fútbol a fin de semana do sábado 31 de agosto e domingo 1 de setembro.
En concreto os granates recibirán nesa data o Real Valladolid Promesas no Estadio Municipal de Pasarón.
Será un inicio de liga esixente para os de Yago Iglesias, e é que tras a estrea chegarán dúas saídas consecutivas a campos de dous téoricos rivais directos polos postos de honra, a SD Compostela (8 de setembro) e Numancia (15 de setembro).
O Pontevedra non volverá xogar en Pasarón ata a xornada 4, cando reciba o RC Deportivo Fabril (22 de setembro).
Ademais de debutar como local, os granates tamén pecharán a liga regular no seu estadio, o 4 de maio contra o Real Ávila.
Consulta aquí o calendario completo do Grupo I de Segunda RFEF para a tempada 24/25.