David Sierra empeza a ter perfilado o equipo co que intentará que Ribadumia destaque no seu segundo ano na Terceira División.
Nas últimas horas o club aurinegro deu importantes pasos ao anunciar a renovación do central Miguel Vázquez e a chegada de dúas fichaxes para reforzar as súas posicións ofensivas.
Trátase do dianteiro marinense Javi Pazos, que estaba sen equipo tras desvincularse do Arosa, e de Agus, futbolista de banda que a pasada campaña militou no filial do Pontevedra, aínda que adestrou todo o ano co primeiro equipo.
Para sumarse ao proxecto do Ribadumia Agus tivo que rexeitar a oferta do club granate, que o reclamou para o inicio da pretempada ás ordes de Luisito. Non obstante o futbolista preferiu cambiar de aires buscando minutos nun club de Terceira División.