O Leis disputará esta tempada a Copa do Rei de fútbol sala e este martes coñeceu o nome do seu primeiro rival. O sorteo realizado na sede da Real Federación Española de Fútbol en Las Rozas, dirixido para favorecer os cruces entre equipos próximos, deparou o emparellamento entre o cadro pontevedrés e O Esteo, da localidade coruñesa das Pontes.
O obxectivo da RFEF é resolver esta primeira rolda de eliminatorias entre o 27 e 28 de outubro. Con todo, a disputa do cruzamento entre os equipos galegos non é segura despois do positivo en covid-19 rexistrado por un xogador do equipo pontevedrés e que ten en corentena a todo o plantel. Por iso, o Leis xa solicitou o aprazamento do primeiro partido de liga e todo apunta a que tamén solicitará pospoñer o seu debut en copa.
Os cruces resolveranse a partido único e a fortuna quixo que o Leis actúe como local.
Esta tempada a federación incluíu aos 25 equipos de Segunda B que alcanzaron a terceira eliminatoria dos playoff de ascenso a Segunda División, dos que o Otxarbe quedou exento e pasa directamente á seguinte fase.