En plena forma demostrou o Suh Sport de taekwondo nas súas dúas últimas competicións.
Cinco medallas sumaron os deportistas do club pontevedrés no Open Internacional de Ourense de combate celebrado a pasado fin de semana.
Foron os ouros conseguidos por Aitana López e Verónica González, a prata de Carlos Mallo e os bronces Sandra González e Lucía Lorenzo.
Estes bos resultados únense ás nove medallas conseguidas no Campionato Internacional de Moaña, dúas das cales correspondían á modalidade de técnica.
O Suh Sport móstrase satisfeito co nivel ofrecido polos seus deportistas, entre os que se atopan por primeira vez taekwondistas infantís e precadetes.
Os próximos obxectivos do club serán os campionatos internacionais de Ribeira e o Cidade de Pontevedra, citas nas que preparará o Open de España de Clubs do próximo mes de decembro, o principal obxectivo na parte final de ano.