O Centro Galego de Tecnificación Deportiva de Pontevedra foi escenario durante a pasada semana, dunha concentración internacional de taekwondo.
Desde o luns 14 e ata o domingo día 20 de maio a Selección Mexicana Junior deste deporte exercitouse nas instalacións pontevedresas, nas que compartiu experiencias cos deportistas galegos bolseiros no centro de alto rendemento.
O obxectivo desta concentración foi elevar o nivel de competitividade dos deportistas.
Tanto o adestrador de taekwondo do CGTD como o seleccionador mexicano, Ismael Gómez, recoñeceron que as xornadas de convivencia permitiron "a ambos os dous grupos ter unha óptima preparación con miras aos próximos compromisos competitivos".