O pavillón marinense da Raña ten unha cita o vindeiro domingo 15 de xaneiro co taekwondo grazas á celebración do Campionato Galego Absoluto.
Preto dun cento de deportistas de 22 clubs da comunidade reuniranse no evento, cos locais Arlet Ortiz, Sergio Troitiño e Iván García como grandes nomes a seguir.
Será a primeira vez desde o ano 2016 que Marín acolla un campionato autonómico de taekwondo.
A competición, que foi presentada oficialmente no Concello, terá lugar de 9.00 a 14.00 horas.
A entrada para o público será de balde.