O Team Thunder de Marín prepararse para vivir unha das fins de semana máis intensas do ano en canto a actividade puxilística, con tres citas nas que terá representación.
A principal, neste caso afectando ás categprías base, será o Campionato de España de Formas de Boxeo en Idade Escolar, no que o club marinense estará representado por unha decena de mozos boxeadores.
A cita terá lugar os días 18 e 19 de novembro en Valladolid para as categorías alevín, infantil e cadete, e alí estarán Fran Correa, Lucas Hermida, Eusebio Moreira, Marcos Recamán, Iker Barcia, Eloy Barcia, Xoán Villanueva, Pablo Lubián, Kevin Crespo e Amancio Martínez.
Todos eles presentarán as súas destrezas técnica na corda, sombra e na manopla, onde terán un tempo para convencer aos xuíces de que son os mellores do país nestas probas.
Ademais o Team Thunder centrará a súa atención noutros dous lugares. Javi Amoedo tomará parte no Campionato Galego Promesas que se celebrará en Vilagarcía, cun combate de cuartos de final ante o vigués Alberto Figueiras, mentres que Aarón González enfrontarase ao campión cubano Jeiler Sorzano na localidade asturiana de Ujo.