A Sociedad Deportiva Teucro incorpora unha nova peza ao seu plantel para tentar elevar o nivel do equipo e pelexar pola permanencia na División de Honra Prata.
O conxunto pontevedrés confirmou este venres a contratación ata final de tempada dos brasileiro Marcos Vinícius Vieira, que pode actual tanto de lateral como de extremo dereito.
O xogador levaba dúas semanas adestrando a proba co equipo azul, e finalmente convenceu ao corpo técnico encabezado por Irene Vilaboa.
"Levo unhas semanas en Pontevedra e estou moi contento coa coidade e co equipo. Todo o plantel arroupoume e axudoume en todo momento", explicou Vinícius.
A nova incorporación teucrista poderá debutar este mesmo sábado 11 de decembro no partido que enfrontará ao Teucro cun rival directo, o Zamora, no Pavillón Municipal dos Deportes (20.00 horas), unha vez tramitados todos os papeis para o seu inscrición.
PARTIDOS APRAZADOS
Noutra orde de cousas, o Comité de Competición da Real Federación Española de Balonmán fixou as novas datas dos partidos aprazados estas semanas para o Teucro debido a un gromo de covid.
Eses encontros disputaranse finalmente o xoves 20 de xaneiro ante o Amenabar en Zarautz e o domingo 20 de febreiro contra o Guadalajara no Municipal de Pontevedra.