Haberá derbi pontevedrés nas semifinais da Copa Galicia de balonmán, despois de que o Teucro superase con comodidade ao Atlético Novás en cuartos de final.
Os azuis impuxéronse por un contundente 20-29 no Rosal nun choque que se mantivo igualado ata o minuto 20 (8-8).
A partir de aí os de Quique Domínguez tomaron o mando do marcador e terminaron por romper o choque no último cuarto de partido.
Xa na fase final, Teucro e Cisne enfrontaranse agora este venres (19:00 horas) por unha praza na final do sábado (tamén ás 19:00 horas) ante o gañador do Cangas-Calvo Xiria.
A final da competición será retransimita en directo pola segunda canle da TVG.