Importante triunfo para o Tenis de Mesa Monte Porreiro para recuperar impulso na Superdivisión Masculina e consolidarse na cuarta posición da clasificación.
O conxunto pontevedrés superou de maneira clara no pavillón de Príncipe Felipe o Universidad de Burgos (4-1), rival que lle precede na táboa e ao que se achega agora a tres puntos.
O Visit Pontevedra arrincou con forza o encontro, vencendo Martín Betancor, André Silva e Míguel Ángel Vílchez os tres primeiros puntos en xogo.
André Silva cedeu a continuación en catro mangas fronte ao visitante Miguel Ángel Pantoja, pero Martín Betancor sentenciou despois ao conseguir o cuarto punto do Monte Porreiro en cinco apertados sets contra Aitor Colina.
A próxima xornada de liga na Superdivisión o Monte Porreiro renderá visita ao San Sebastián de los Reyes, décimo clasificado.